Kapin sa 8 milyones ka mga kahon sang family food packs (FFPs) ang ginpanghatag sang Department of Social Welfare and Development (DSWD) sa 6,864,735 ka mga pamilya nga apektado sang serye sang mga kalamidad sa bilog nga pungsod sang 2024, suno sa isa ka opisyal sang Miyerkules.
Suno kay Assistant Secretary for Disaster Response Management Group (DRMG) Irene Dumlao sang DSWD, ang mga food packs nga ini ang bahin sang 10 milyones ka mga kahon sang FFPs nga ginhimo sa rekord nga oras sang National Resource Operations Center (NROC) sa Pasay City kag sang Visayas Disaster Response Center (VDRC) sa Mandaue City, probinsya sang Cebu. Ginreport sang opisyal sang DRMG nga 524,334 ka mga pamilya ang ginhatagan man sang Cash-for-Work (CFW), Food for Work (FFW), kag Emergency Cash Transfer (ECT) programs sang ahensya.
Ang mga nakabaton sang ECT ang ginhatagan sang direkta nga cash aid para buligan sila sa pagbakal sang ila mga prayoridad nga kinahanglanon kag sa pagtukod liwat sang ila mga kabuhi kag pangabuhian.
Ang mga benepisyaryo sang CFW kag FFW ang ginhatagan sang kwarta ukon pagkaon pagkatapos nga magpartisipar sa mga aktibidad sa pagtrabaho kag pagbansay sa komunidad.
