Madinalag-on ang ginpatigayon nga operasyon sang mga otoridad sa isa ka drug den diri sa syudad sang Koronadal sa diin naglab-ot sa 6 ka tao ang tigayon nga nadakpan sang mga otoridad sang ginsalakay sang mga ini ang lugar nga ginapatigayunan sang session sang mga suspek sa bahin sang General Paulino Santos, Koronadal City.
Positibo nga ginkilala ni Koronadal City Chief of Police PLtCol. Hoover Antonio ang mga nagkaladakpan nga mga suspek nga sanday Michael, 45 anyos; Mitch, 24 anyos; Emman, 34 anyos kag Mike, 43 anyos nga mga residente sang syudad sang Koronadal lakip man ang isa nga taga banwa sang Banga South Cotabato nga si John, 24 anyos kag taga General Santos City nga si alias Sally, 49 anyos.
Nakuha sa position sang mga suspek ang 6 ka sachet sang gina-alegar nga shabu nga may ara sang drug price nga P41,800 kag mga drug paraphernalia lakip na ang marked money nga gingamit sang mga otoridad sa drug buy-bust operation.
Lakip man sa nakuha sang operating team ang isa ka granada, 4 ka mga bala sang 12 gauge shot gun// Sa karun, yara sa kostudiya sang mga otoridad ang mga nagkaladakpan nga mga suspek kag nakatala nga pasakaan sang naga kaigo nga kaso.
Padayon naman ang panawagan sang mga otoridad sa mga residente nga makig-ugyon sa mga kapulisan sa madasig nga pagkadakop sang mga ginapagita pa sang kasuguan
