Nagpagwa na ang Department of Public Works and Highways (DPWH) sang cease-and-desist order batok sa gin-alegar ilegal nga reclamation project sa bahin sang Laguna de Bay sa Taguig City.
Suno kay DPWH Secretary Vince Dizon, ginpagwa ang mando sang Agosto 20, suno sa direktiba sang Office of the President paagi sa Philippine Reclamation Authority (PRA), kag gilayon ini ginpatuman.
Nagsunod ini sa mga ginpahayag ni Senator Panfilo “Ping” Lacson parte sa gin-alegar ilegal nga reclamation activities sa Taguig, lakip ang mga duta nga may kuwestiyonable nga titulo.
Ginpahayag ni Dizon nga magapulong ang DPWH sa mga stakeholder, lakip ang Taguig City government, PRA kag Laguna Lake Development Authority, agod talakayon ang masunod nga mga tikang.
Samtang, ginpahayag ni Lacson nga apat ka parsela sang duta nga gin-alegar ilegal nga ni-reclaim ang may ginapatihan nga fraudulent nga mga titulo kag posible nga i-refer sa Office of the Ombudsman para sa imbestigasyon.
Ang mga duta, suno kay Lacson, may kadakuon nga nagalapad halin 5,000 tubtob 193,027 square meters.
