Ginapalig-on sang Department of Agriculture (DA) ang pagpakig-angut sa mga civil society organizations agud masiguro nga husto, transparent kag nagakinahanglan gid ang mga farm-to-market road (FMR) projects nga ginapatuman sa nagkalain-lain nga bahin sang pungsod.
Ini kasunod sang mga natumod nga iregularidad sa pila ka proyekto, lakip na ang indi nagatupong nga coordinates kag mga proyekto nga ginasulod sa budget, nga nagakinahanglan sang mas maid-id nga pag-usisa kag beripikasyon.
Kabahin sang ginahimo nga tikang sang ahensya amo ang paggamit sang FMR Watch portal bilang mekanismo sa pagmonitor sang mga proyekto.
Samtang, ginapahanugutan man ang mga state universities nga magpatigayon sang independent nga pag-usisa sa kalidad sang mga dalanon antes aprobahan ang pagbayad sa mga kontratista.
Samtang, ginatarget sang gobyerno nga makapatindog sang 10,000 kilometro nga farm-to-market roads sa bilog nga pungsod sa pagsulod sang tuig 2028, paagi sa pagbinuligay sang gobyerno, pribado nga sektor kag Official Development Assistance (ODA).
paagi sa sini nga mga inisyatibo, ginatinguhaan sang DA nga masiguro nga ang pondo sang gobyerno nagakadto sa mga proyekto nga may direkta nga benepisyo sa mga mangunguma, ilabi na sa pagpasanyog sang transportasyon kag pagpadali sang pagdala sang ila mga produkto sa merkado.
