Preparado na ang prosecution panel sang Kamara nga i-cross-examine si Vice President Sara Duterte kung iatubang siya sang iya defense team bilang witness sa pagpadayon sang impeachment trial sa *Nobyembre 9.
Suno kay House impeachment spokesperson Ace Barbers, nalipay ang prosecution sa posibilidad nga personal nga sabton sang Bise Presidente ang mga alegasyon sang indi mapaathag nga manggad batok sa iya.
Sa subong, Article Two na lang ang nabilin nga impeachment charge nga ginaatubang ni Duterte, nga may kaangtanan sa gina-alegar indi mapaathag nga manggad kag mga paglapas sa iya financial declarations.
Base sa testimonya sang financial forensic expert, ginabanta 817.87 milyones pesos ang gina-alegar Im-explained wealth nga may kaangtanan kay Duterte kag sa iya bana nga si Manases Carpio halin 2022 tubtob 2025*.
Natalana nga suguran sang depensa ang ila presentasyon sa Nobyembre 9, apang indi pa klaro kung personal nga magatindog bilang witness ukon saksi si Vice President Sara Duterte.
