Naghingyo si Secretary sang Department of Agriculture nga si Francisco Tiu Laurel Jr. sa Bureau of Customs nga ihatag na ang 580 metric tons sang mga ginakabig nga frozen mackerel nga nag-abot sa Manila Port sang nagligad nga bulan sa mga residente nga grabe nga naapektuhan sang mga nagligad nga bagyo.
Sa isa ka pahayag, ginsiling ni Laurel nga nadiskobrehan na sang ila ahensya nga ang mga naitala nga tonelada sang frozen mackerel ang maayo para sa pagkaon sang tawo kag mahimo na nga ihatag sa Department of Social Welfare and Development (DSWD) agud makahatag na sa mga apektado nga residente bilang parte sang ila nagapadayon nga relief operations.
Ginabanta nga magalabot sa P178.5 milyones pesos ang kabug-osan nga bili sang mga ginakabig nga frozen mackerel nga nakumpiska sang BOC gikan sa 21 ka mga container sa nasambit nga pantalan sa Maynila.
Samtang, madumduman nga sa una nga plano sang pareho nga ahensya, luyag nila nga gamiton ang mga ginakabig nga frozen fish bilang dugang nga bulig sa mga naapektuhan sang bagyo nga Kristine.
