Ginkumpirmar sang Department of Agriculture (DA) nga wala sang nagkansela ukon nag-backout sa mga lokal nga panggobyerno nga nagpakita sang interes sa pagbakal sang bugas halin sa buffer stock sang National Food Authority (NFA).
Sa isa ka press briefing nga ginpatigayon sa opisina sang departament, gin-kumpirma nga mga kapin 10,000 ka sako pa lang ang na-release sang NFA sa mga LGU’s para sa public consumption sini.
Suno sa DA Assistant Secretary for Special Concerns and Official Development Assistance kag Spokesperson Engr. Arnel De Mesa, may commitment nga marelease ang kapin 59,000 ka sako nga bugas pero wala pa sa tunga sang target ang narelease sang ahensya.
Pa-athag ni De Mesa, basi may mga transaction pa nga ongoing sang mga LGU’s nga mahimo magpahagan-hagan sa pagbakal sini, labi na kung may iban pa nga gastuhon kag may limitasyon pa ang mga opisina nga amo ang nagapanguna sa mga transaksyon.
Ini ang ginatan-aw nga problema sang tigapamaba, bangod wala sila sang kontrol sa mga lokal nga panggobyerno.
Suno sa iya, bisan pa nga barato ang presyo sang bugas kag ang presyo sang pagbakal sini, nakit-an gihapon nga limitado pa ang mga LGU’s nga nagbakal halin sa buffer stock sang NFA.
Sa subong, mas ginapadasig nga ang mga aksyon agud mapadali ang pagrerelease sang NFA sang ila buffer stock, ilabi na ang padayon nga pagtuon sang ahensya sa Rice Tarrification Law nga plano nila nga amendahan sa madali nga panahon.
