Nag-umpisa na ang conclave sa Vatican para pili-on ang maga bulos kay Pope Francis, nga nagtaliwan sang Abril 21, paagi sa pagboto sa sulod sang Sistine Chapel.
Kinahanglan makakuha ang isa ka kandidato sang duha sa tatlo ka bahin sang boto halin sa 133 ka cardinal electors agud mangin bag-o nga Santo Papa.
Kon wala pa gihapon mapili nga Papa pagkatapos sang tatlo ka adlaw nga pagboto, untaton ini sa sulod sang 24 ka oras agud tagaan sang tion ang mga cardinal sa pagpamalandong.
Ang resulta sang kada round sang pagboto ipahayag paagi sa aso nga nagagwa sa chimney sang Sistine Chapel — itom nga aso kon wala pa napili, kag puti nga aso upod sang pagtunog sang kampana kon may bag-o na nga Papa.
Ang mga boto ginahimo paagi sa pagsulat sa papel, ginapilo ini, kag ginabutang sa espesyal nga urn sa altar sang Sistine Chapel agud mapabilin ang sekreto sang pagboto.
Kon wala sa gihapon napilian nga Papa pagkatapos sang 33–34 ka rounds sang pagboto ( indi magnubo sa 13 ka adlaw), may yara sang runoff vote sa tunga sang duha ka nagapanguna nga kandidato agud mapili na ang masunod nga Santo Papa.
