KORONADAL CITY– Aminado ang Commission on Elections o COMELEC nga nabudlayan sila nga ma track ang mga kandidato nga nagapangampanya kag nagapangguba sang mga kasubong nga pulitiko sa social media.
Partikular nga gintumod sang COMELEC pinaagi kay Atty. Duque Kadatuan ang Provincial Election Supervisor sang South Cotabato ang tuman ka damo nga mga bogus ukon fake social media accounts nga nagapatigayon sang pagpangampanya kag nagapatigayon sang black propaganda batuk sa iban nga mga kandidato.
Nahibaluan nga may yara sang social media regulations ang COMELEC agud nga ma track ang mga campaign expenses sang mga kandidato bangud madamo nga mga kandidato ang mas nagagastos sang dako nga balor sang kwarta para sa online platforms agud ma impluwensiyahan ang mga botante apang ang mga nasumiter nga official social media accounts lang sang mga political candidates ang ila sarang i-track kag indi kalakip ang mga bogus accounts.
Dugang pa sini nga sa karun panawagan na lamang sa mga botante ang ila mahimo nga mangin metikuloso sa pagpili sang mga puliiko nga igaboto kag makig-angot sa ila kun may yara sang mga iligal nga aktibidad angot sa pagpangampanya ang nagaluntad sa ila mga lugar.
