KORONADAL CITY – Nagapadayon ang imbestigasyon sang mga otoridad sa pagpangluthang sa isa ka lalaki sa Dela Cruz Street, Purok Maligaya, Brgy. Kalawag 1, Isulan, Sultan Kudarat0.
Ginkilala sang Isulan PNP ang biktima nga si alyas Rassel, 28 anyos nga residente sang Isulan, Sultan Kudarat kag isa ka chef sa isa ka restaurant.
Naguwa sa imbestigasyon sang kapulisan nga samtang nagalakat ang biktima halin sa boarding house sini padulong sa iya nga trabaho sang may isa ka lalaki nga nagpalapit sa iya kag hinali na lamang ini nga gintiro.
Gilayon naman nga nagpalagyo ang suspek matapos mahimo ang krimen sakay sang motorsiklo.
Gindala naman sa pinakamalapit nga hospital ang biktima kag padayon nga ginabulong. Sa karon, indi pa matumod ang motibo sang krimen kag kun sin-o ang responsable.
