Ginpaandaman ni retired Supreme Court Justice Antonio Carpio ang gobyerno nga ang sa liwat nga pagduso nga joint oil and gas exploration sa West Philippine Sea ang posible magtuga sa halit sa pungsod kag mga PIlipino.
Suno kay Carpio, ini ang nagabuot-silingon sang pag-ako sang kondisyon sang Beijing nga sila ang nagapanag-iya sang natural resources sang West Philippine Sea.
Ini nga pagpaandam kasunod sang pahayag ni Pangulong Marcos nga bukas ini sa liwat nga negosasyon sa China angot sa energy security sang pungsod.
Suno sa Department of Foreign Affairs (DFA), yara sa exploratory stage pa ang dayalogo, samtang ginpahayag sang Chinese Embassy sa Maynila nga may positibo nga progreso sa diskusyon.
Ginakabig nga sensitibo ang isyu sang joint exploration bangud sa soberanya, ilabi na matapos ibasura sang Permanent Court of Arbitration sang 2016 ang pag-angkon saia ka isang desisyon nga wala ginakilala sang Beijing.
