Ginpahayag sang Bangko Sentral ng Pilipinas (BSP) nga gin-aprubahan na nila ang paghatag sang tubtob 6 ka bulan nga palugit sa pagbayad sang utang nga wala sang penalty para sa mga Pilipino tuman apektado sang krisis sa enerhiya.
Para naman sa mga agricultural loans, mahimo pa ini mapalawig tubtob 1 ka tuig, apang depende gihapon sa desisyon sang bangko.
Sa sulod sang isa ka tuig, ang mga apektado nga utang indi anay ibutang sa kategorya nga past-due ukon non-performing loan.
Samtang, ginpahinumdom sang BSP nga dapat siguruhon sang mga bangko nga ang makabaton sang benepisyo amo lang ang mga kwalipikado.
Ini nga tikang kabahin sang government response matapos ideklarar ang state of national energy emergency, kasunod sang pagsaka sang presyo sang gatong sa kalibutan bangud sa tensyon sa Middle East.
