KORONADAL CITY- Ginpasakaan na sang kaso nga pagbayolar sa Republic Act 9165 o Comprehensive Dangerous Drugs Act of 2002 ang isa ka newly elected barangay kagawad kag ang 4 ka iban pa lakip na ang mga ginapatihan nga Moro Islamic Liberation Front members sa asud-asod nga anti-illegal drug operations nga ginpatigayon sang Philippine Drug Enforcement Agency o PDEA kag sang Maguindanao PNP.
Una nga ginpatigayon ang operasyon sa Brgy. Makir Proper, Datu Odin Sinsuat, Maguindanao kun sa diin arestado ang Brgy. Kagawad sang Brgy. Sapalan Datu Odin Sinsuat, Maguindanao nga si Joehari Masulat Ali, isa ka Akmad Gani Maton alias Bong, 43 anyos kag Tulon Kusap Sumail 47 anyos, babaye, isa ka negosyante .
Ginsundan naman ini sang pagka arestar sang 2 pa ka ginapatihan nga mga miyembro sang MILF sa National Highway, Poblacion Dalican, Datu Odin Sinsuat, Maguindanao nga sanday Mail Guiamad Kamid alias Mayon, (HVT) 43 anyos kag isa ka Thor Dalundong Sela, 35 anyos nga mga residente sang Barangay Togal, Talitay, Maguindanao.
Sa nasambit nga operasyon narekober ang 6 ka mga dalagkuan nga pakete sang shabu nga may estimated value nga P1.5 million, Identification cards, buy bust money, kag mga drug paraphernalia.
