Nagpanawagan si San Carlos Bishop kag Caritas Philippines President Gerardo Alminaza sa mga kaparian, consecrated persons, kag lay leaders nga magpangabuhi sing mas simple bilang pag-hiliusa sa mga imol nga tuman nga naapektuhan sang krisis sa gatong.
Sa iya pastoral letter, ginpahayag niya ang mabug-at nga epekto sang global oil shortage bangud sa padayon nga giyera sa Middle East.
Gintudlo man niya nga ang misyon sang simbahan dapat makita sa adlaw-adlaw nga kahimtangan manugpangisda kag drayber nga nag-antos na sa pagsustenir sang ila pamilya.
Gin-panawagan ni Alminaza ang mga lider sang Simbahang Katolika nga atubangon ang kamatuoran kag magpakita sang accountability, indi lang sa gobyerno kag mga korporasyon kundi palakip sa sulod sang simbahan.
Ginpanawagan man niya nga ang bisan ano nga matipid sang simbahan ihatag direkta sa mga nagakinahanglan imbes nga tipigon.
