Isa ka groundbreaking achievement, ang “Nation’s girl group” nga BINI nga ginabug-usan nila Jhoanna, Aiah, Colet, Maloi, Gwen, Stacey, Mikha, kag Sheena—naka-ukit sang ila ngalan sa kasaysayan sang OPM bilang pinakauna nga P-Pop nga grupo nga nakatambong sa KCON music festival.
Ang KCON, nga kilala bilang pinakadako nga festival para sa mga fan kag artist sang K-pop sa kalibutan, nagahatag sang dako nga plataporma para sa K-pop artists agud makilala sa internasyonal nga entablado.
Sang Hulyo 27, 2024 (Hulyo 28 sa Pilipinas), nagpasidungog ang BINI sa mga audience sa Crypto.com Arena sa Los Angeles, California, sa ila makapabaskog nga performance sang ila pinakabago nga single nga “Cherry on Top,” sa pre-show sang prestigyoso nga “M Countdown” stage.
Ang mga miyembro nagpasikat sa mga moderno nga Y2K-inspired nga outfits, pareho sang ila ginasuksok sa music video sang ila kanta.
Wala sa litrato si Jhoanna, ang leader sang grupo, nga kinanlan mag-absent sa sini nga gig tungod sang “unanticipated health issues.”
