Ginpakamalaot ni Bicol Saro Party-list Representative Terry Ridon ang mga supporter ni Vice President Sara Duterte bangud sa ila ginapatihan nga pagtinguha nga gub-on ang kredibilidad sang House prosecution panel antes ang impeachment trial sa Senado.
Ginpahayag ini ni Ridon matapos ginbuyagyag sang 18 ka anay opisyal sang Marines ang pila ka mamalidha, lakip ang mga miyembro sang prosecution team, sa gin-alegar nga paghatod sang mga maleta nga may unod nga kuwarta sa hearing sang Senate Blue Ribbon Committee sang Hunyo 4.
Suno kay Ridon, klaro nga katuyuan sang amo nga hearing ang pagbilin sang pagduhaduha sa kredibilidad sang prosekusyon, apang ginpasiguro niya nga indi ini makapugong sa pagpresentar sang kamatuoran sa Senate impeachment court.
Gindugang pa sang mamalidha nga preparado sila magpresentar sang mabakod nga ebidensya batok sa Bise Presidente, lakip na ang mga bank account kag transaksyon nga halin sa Anti-Money Laundering Council (AMLC).
Matigdas naman nga ginpanginwala ni Ridon ang mga alegasyon batok sa iya kag ginpabutyag nga wala sang iya ngalan nga naulamid sa orihinal nga affidavit sang grupo sang Pebrero, kag angay gindugang lang ini sa nagligad nga hearing.
Madumduman nga na-impeach si VP Duterte sang Kamara sang Pebrero sa suporta sang 257 ka mamalidha.
Samtang, natalana nga mag-umpisa ang pre-trial sini nga bulan antes ang pormal nga trial sa Hulyo 6, 2026.
