-- ADVERTISEMENT --
KORONADAL CITY- Ginahibalo pa ang identity sang isa ka lalaki nga nasapwan nga patay kag naputos sang packing tape ang nawong sa isa ka kanal sa Prk. Sto. Nino, Norala, South Cotabato.
Ini ang pahayag ni Mayor Clemente Fedoc sa eksklusibo nga interbyu sang Bombo Radyo Koronadal.
Suno sa alkalde, nakaputos sa cellophane ang ulo sang biktima kag ginbutangan sang packing tape, nakasuksok sang duag itom nga bayo, pantalon, at wala sang tsinelas o sapatos.
Dako naman ang pagpati sang alklade nga posible ginhaboy lamang kag ginbilin sa lugar ang nasambit nga biktima.
Sa karon, nagapadayon ang imbestigasyon sang mga otoridda agud hibaluon ang identity sang nasambit nga biktima.
