Isa ka bangkay sang babaye ang nakit-an sa sulod sang maleta nga nagalutaw-lutaw pasado alas-sais sang gab-i, Pebrero 14.
Suno sa report halin sa Barangay 188, Caloocan, isa ka menor de edad ang ginreport nga nadula halin pa sang Pebrero 7. Sa imbestigasyon, nahibaluan nga ulihi nga nakita ang dalagita upod ang isa ka kabyan nga pilit siya gindala sa ila balay—kung diin ara ang abusado sini nga bana.
Sa isa ka CCTV footage, makita nga nagduha-duha ang biktima nga magsunod, kag nagapakita sang kahadlok nga mahimo siya ang pautwasan sang kaakig sang bana sang iya abyan.
Sa isa pa nga video, makita-an siya nga padulong sa balay sa North Caloocan.
Sa subong, may mga natudlo na nga “persons of interest” ang mga awtoridad samtang nagapadayon pa ang imbestigasyon sa kaso.
