-- ADVERTISEMENT --

Gin-athag sang US Central Command (CENTCOM) nga wala sang F-16 fighter jet sang United States nga naigo sang missile halin sa Iran, kasunod sang pag-angkon sang Tehran nga natiruhan nila ang nasambit nga eroplano.

Suno sa CENTCOM, kompleto kag yara sa maayo nga kondisyon ang tanan nga ila fighter jets nga nagapatigayon sang operasyon sa Tunga-tunga nga Sidlangan.

Una nga ginpahayag sang Iran nga naigo sang ila missile ang isa ka F-16 sang US, rason nga napilitan ini nga magpatigayon sang emergency landing.

Samtang, nagapadayon ang pagbinayloay sang pag-atake sa tunga sang US kag Iran, bisan pa sa mga panikasog sang mga tigpatunga nga mapadayon ang negosasyon kag matapos ang nagapadayon nga inaway.