Nagluya liwat ang Philippine peso kag nagsira sa P61.75 batok sa US dollar, nga equivalent sang rekord nga pinakamanubo sini nga una naabot sang Mayo 18.
Suno sa mga financial analysts, ang pagluya sang piso bangud sang mas mabaskog nga US dollar kag nagalala nga tensyon sa Middle East, nga nagtulod sa mga investors nga magsaylo sang ila puhunan sa mas luwas nga mga asset.
Ginpahayag man nga ang nagapadayon nga geopolitical tensions kag kusog sang dolyar nagadugang sang pressure sa mga currency sang emerging markets lakip na ang Pilipinas.
Sa una nga forecast sang pila ka financial institutions, posible nga magluya pa ang piso kag maglab-ot sa P63 batok sa US dollar antes matapos ang 2026, samtang may iban man nga nagapaandam nga mahimo ini magsaka tubtob P64 kada dolyar kon magpadayon ang kasamtangan nga kahimtangan sa global market.
