Nagapati ang abogado sang mga biktima sang war on drugs nga si Atty. Kristina Conti, nga malayo magmadinalag-on ang mga tikang ni anay Presidente Rodrigo Duterte nga kuwestiyonon ang hurisdiksyon sang International Criminal Court (ICC) bahin sa paghimo sini sang petisyon para sa temporaryo nga pagpagawas.
Suno kay Conti, ang amo nga aksyon daw kabahin sang isa ka kilala nga defense strategy nga ang tuyo amo ang pagpahalin kag pagpalikaw sang mga isyu sa kaso ni dating Presidente.
Nabatian nga sang 2023, ginpamatud-an sang ICC nga may ara gihapon ini sang hurisdiksyon sa mga krimen nga natabo sa pungsod samtang miembro ang Pilipinas sa Rome Statute, gani ang mga alegasyon nga ginapamatok sa International Court wala sang legal nga basehan.
Gindugang pa ni Conti nga ang mga argumento bahin sa kahimtang sang panglawas ukon edad ni Duterte para sa temporaryo nga pagpagawas indi sapat agod paboran siya sang ICC, kay suno kay Conti, ang ICC nagabase sa balaod kag indi sa emosyon.
Ginpasangkad pa gid ni Conti ang mga argumento nga indi makatarunganon nga nagapakita sang posible nga paglapas sa mga katungod pantao ni dating Presidente sa ICC detention center, kay para sa abogado sang mga biktima sang war on drugs, maayo ang kondisyon sang pasilidad nga ginapuy-an ni Duterte.
