Masadya nga ginbahagi sang aktres nga si Arlene Muhlach ang pagtapos niya sa kolehiyo sa edad nga 55.
Sa social media account sang aktres, nag-post siya sang mga litrato halin sa iya graduation sa kolehiyo.
Ginhimo ang graduation rites sa Philippine International Convention Center (PICC) kag nagtapos siya sa degree nga Bachelor of Arts in Communication halin sa Philippine Women’s University.
Ginsiling niya nga untat siya sa 3rd year college agud hatagan importansya ang iya showbiz career kag pamilya.
Kasabay sini, ginpasalamatan niya ang iya mga professors kag mga kaklase sa Expanded Tertiary Education Equivalency and Accreditation Program (ETEEAP) tungod sa pagsalig sa iya kakayahan kag abilidad.
Nag-abot man ang mga pagbati halin sa iya mga kaupod sa showbiz industry.
