Manami kag isa ka valuable nga aktibidad ang pagdonar sang dugo sa diin sa gamay lang nga sakit halin sa tuslok sang dagom, daku ini nga bulig sa mga pasyente nga nagakinahanglan sang dugo.
Ini ang nangin pahayag ni Sheila “Booging” Delos Santos, Regional Director sang APO SOCCSKSARGEN, sa interview sang Bombo Radyo Koronadal.
Suno kay Delos Santos, bilang organisasyon nga natukod sa prinsipyo sang leadership, friendship, kag service, kinahanglan nga mangin aktibo ang Alpha Phi Omega sa mga aktibidad nga makabulig sa komunidad, isa na diri sang ila nga partisipar sa igatigayon nga Dugong Bombo 2025 sang Bombo Radyo Philippines, sa diin may yara na sila sangg mga volunteer donors.
Gindugang pa niya nga ang pagdonar sang dugo indi lang makabulig sa iban kundi maka-paayo man sang ikaayog lawas sang mga donor.
Sa diin gin-awhag niya ang tanan nga magpasakop sa Dugong Bombo 2025 nga pagahiwaton sa KCC Convention Center sa Nobyembre 15, 2025, halin alas 7 sang aga tubtob alas 5 sang hapon.
