-- ADVERTISEMENT --
Liwat nga pagaimbitahon sang House Committee on Human Rights sanday anay Presidente Rodrigo Duterte kag Senator Ronald Dela Rosa sa nagapadayon nga imbestigasyon angot sa drug war.
Antes natapos ang hearing sadtong Lunes, ginpahayag ni Representative Bienvenido Abante nga ila sa gihapon imbitahon ang anay presidente kag si Dela Rosa sa hearing.
Ila pagaimbitaron ang mga ini apang indi sila mag-isyu sang show cause order para sa duha.
Una na nga ginpahayag ni Abante nga tuyo sang ginapatigayon nga imbestigasyon nga mahibaluan kun may human rights violations sa drug war campaign kag kun nasunod ang due process.
Ginpasiguro man sini nga indi magpalagpat ang panel kag pangitaan sang ebidensiya ang tanan nga alegasyon.
