Nakatalana nga atubangon ni Alice Guo ang 14 nga mga testigo sa hearing sang korte sa iya petition for bail.
Ini angot sa iya kaso nga qualified trafficking nga yara sa Pasig Regional Trial Court Branch 167.
Igatalana sang nasambit nga korte ang marathon hearing sa Oktobre-22 kag Oct 23 para sa petisyon ni Guo nga makahain sang piyansa para sa iya pansamantala nga kalayaan.
Suno kay Atty. Nicole Jamilla, ang legal counsel sang ginkakas nga alkalde, may ara sang 30 days ang korte para pagadesisyunan kung pasugtan si Guo nga makahain sang piyansa.
Trabaho suno pa sang prosekusyon nga ipabalo sa korte nga ang kaso ni Guo isa ka seryoso kag indi dapat tagaan sang pansamantala nga kalayaan.
Sa karon yara giyapon ang ginkakas nga alkalde sa Pasig City Jail.
