-- ADVERTISEMENT --
Nag-atubang si dismissed Bamban, Tarlac Mayor Alice Guo sa hearing sa Pasig Regional Trial Court sang adlaw nga Miyerkules, Mayo 28, parte sa iya kaso nga qualified human trafficking.
Ginpresenta sang kampo ni Guo ang ila mga ebidensya.
Wala naman ginpangalanan sang abogado ni Guo nga si Atty. Nicole Jamilla ang ila testigo kag wala man ginpahayag kun ano ang mga espesipiko nga ebidensya nga ginpresneta sang ila kampo.
Suno sa iya, kinahanglan ni Guo nga personal nga mag-atubang sa korte tungod kay sila ang magprepresentar sang ila ebidensya.
Ginsiling man sang abogado ni Guo nga ang mga ebidensya nga igapresenta sang defense team amo ang kabahin sang nagapadayon nga proseso tungod may iban pa nga akusado sa kaso.
