-- ADVERTISEMENT --
Nagdaog ang Pinay nga tennis star nga si Alex Eala sa Round of 32 sang women’s singles sa 2026 ASB Classic.
Sa hampang subong nga hapon (Enero 6), nadaog ni Eala ang deciding set (ikatlo nga set) sa iskor nga 6–4.
Una nga nakuha sang iya kontra nga si Donna Vekić ang una nga set, 4–6, apang naitabla ini ni Eala sa ikaduha nga set, 6–4.
Pagkasulod sang deciding set, gilayon nga gindomina sang Pinay star ang hampang kag wala na gid nakabangon si Vekić, nga isa ka anay Paris Olympics silver medalist.
Sa masunod nga round, makasumpong ni Eala ang Croatian tennis player nga si Petra Marčinko sa Round of 16 sang amo nga torneo.
