Nagpabutyag sang pagpasalamat ang isa ka traysikol driver sa Syudad sang Koronadal sa ginpatuman nga pagnubo sang presyo sang mga produktong petrolyo sang Department of Energy (DOE).
Sa interview sang Bombo Radyo Koronadal, ginpahayag ni Olimar Aboc, isa ka traysikol driver, nga daku na nga bulig sa ila adlaw-adlaw nga pangabuhi ang bisan dyutay nga pagnubo sang presyo sang gatong.
Apang suno kay Aboc, padayon gihapon nga mabatyagan sang mga ordinaryo nga pumuluyo ang pagsaka sang presyo sang mga baraklon bisan pa may rollback sa presyo sang petrolyo.
Bangud sini, nagapanawagan si Aboc sa gobyerno nga magpatuman sang dugang kag epektibo nga mga tikang agud mapanubo ang presyo sang mga produktong petrolyo kag mabuligan ang mga sektor nga nagasalig sa gatong para sa ila pangabuhian.













