Ginapahayag nga indi magnubo sa lima ka tawo ang nadakpan kag duha pa ang napilasan sa nagluntad nga komprontasyon sa tunga sang mga nagaprotesta kag kapulisan sa Liwasang Bonifacio, Manila, sang Nobyembre 15—kadungan sang pagbukas sang ika-49 nga ASEAN Summit.
Nagumpisa ang tensyon sang nagtuyo ang mga demonstrador nga magmartsa padulong sa syudad sang Pasay agud maghiwat sang protesta malapit sa Philippine International Convention Center (PICC), sa diin ginahiwat ang summit.
Isa sa duha ka pilason nga indibidwal ang nagpahayag nga ginlampusan sila sang isa ka pulis sa ulo gamit ang riot shield.
Antes sini, gin-intercept sang mga pulis ang mga grupo, nga nagapamilit nga ang mga protesta mahimo lamang hiwaton sa sulod sang gintalana nga “freedom park.”
Gin-akusahan man sang mga nagprotesta ang kapulisan nga hungod nga ginbutangan sang lansang ang goma sang ila truck nga tuyo kuntani nga magserbe nga entablado sang demonstrasyon.
Ginpanindugan sang mga grupo nga ang ila katuyuan amo ang maghiwat sang malinong nga pagmartsa padulong sa CCP Complex agud ipahayag ang ila mga demanda kadungan sang ASEAN Summit.













