Handa ang National Bureau of Investigation (NBI) nga maghatag sang kinahanglanon nga bulig sa proseso sang posible nga pag-ekstradit sa Estados Unidos kay Kingdom of Jesus Christ (KOJC) founder Apollo Quiboloy.
Ginpahayag ni NBI Director Melvin Matibag nga nagahulat lamang sila sang direktiba halin sa Department of Justice (DOJ), lakip ang pormal nga pagturn-over sang extradition warrant.
Dugang pa ni Matibag, ang DOJ ang magadesisyon sa masunod nga tikang may kaangtanan sa sini nga proseso.
Madumduman nga nagpagwa sang extradition arrest warrant kag hold departure order ang Makati City Regional Trial Court batok kay Quiboloy kag duha niya ka kaupdanan kasunod sang pangabay sang gobyerno sang Estados Unidos.
Ginaatubang ni Quiboloy sa nasambit nga pungsod ang nagkalainlain nga kaso, lakip ang child sex trafficking, pagpangdaya sa kasal kag visa, money laundering, kag pagpasulod sang madamo nga kuwarta paagi sa pag-ismagol.
