Naghiusa ang Department of Health (DOH), Department of Finance (DOF) kag mga propesyonal sa panglawas sa pagduso sang pagpataas sang buhis sa alkohol, tabako kag mga ilimnon nga may madamo nga asukar agud mapanalipdan ang panglawas sang mga Pilipino.
Suno kay Dr. Paul Filomeno, espesyalista sa recovery medicine, indi lamang ini para mapunggan ang malain nga epekto sang amo nga mga produkto, kundi agud makadugang man sang pondo para mapalig-on ang mga serbisyo sa panglawas kag mapadasig ang pagpatuman sang Universal Health Care Act.
Sa karon, ginatalakay na sa Kongreso ang panukala kag ginatuyo sang mga manughimo sang layi nga matapos ini sa sulod sang tuig.
Ginpahayag man sang mga propesyonal sa panglawas nga paagi sa pagpataas sang buhis, mapanalipdan ang mga pamatan-on batok sa malain nga epekto sang temprano nga paggamit sang alkohol, tabako kag sobra nga pagkonsumo sang matam-is nga ilimnon.
