Ginpaandaman sang Department of Labor and Employment (DOLE) ang mga private sector employers nga sundon ang nagakaigo nga proseso kag deadline sa paghatag sang 13th month pay sa ila mga empleyado.
Suno sa DOLE, suno sa kasuguan, dapat mabaton sang mga empleyado ang ila 13th month pay antes ukon sa mismo nga Disyembre 24, 2026.
Ginpahayag man sang ahensya nga tutukan sang ila regional kag provincial offices ang pagsunod sang mga pribado nga kompanya sa pagpanagtag sang nasambit nga benepisyo.
Base sa advisory sang DOLE, ang 13th month pay ginakuwenta paagi sa pagbahin sang kabug-usan nga basic salary sang empleyado sa sulod sang isa ka tuig sa 12.
Gin-athag man sang ahensya nga may kinamatarong gihapon nga makabaton sang 13th month pay ang mga empleyado nga nag-resign na, suno sa ila naangkon nga suweldo sa panahon nga nagserbisyo sila sa kompanya.
