Pormal na nga ginpasaka sa Makati Regional Trial Court (RTC) ang extradition petition sang gobyerno sang Estados Unidos agud mapadala sa amo nga pungsod ang founder sang Kingdom of Jesus Christ (KOJC) nga si Apollo Quiboloy.
Suno sa Department of Justice (DOJ), ginpasaka ang petisyon sang Nobyembre 9, 2026, kag na-assign sa RTC Branch 145.
Lakip man sa ginapangayo nga extradition sanday Teresita Dandan kag Helen Panilag.
Ginatinguhaan sang Estados Unidos nga mapasabat si Quiboloy sa mga kaso nga sex trafficking kag racketeering.
Sa karon, detained si Quiboloy sa Pasig City Jail bangud sa kaso nga qualified human trafficking kag iban pa nga mga reklamo.
Ginpaathag sang DOJ nga ang extradition proceeding indi kriminal nga pagbista kag wala nagatuyo sa pagtino kon nakasala ukon inosente ang ginapangayo nga ipadala sa iban nga pungsod.
Ang iya nga kaso pagahukman sang korte sa Estados Unidos kon didto na siya ma-extradite.
