Ginpanghiwala sang House of Representatives nga naglab-ot sa ₱1 trilyon ang mga pagbag-o nga ila ginhimo sa ginaduso nga 2027 national budget, kag gin-athag nga ₱115 bilyon lamang ang kabug-usan sini.
Suno kay Camarines Sur Rep. Arnie Fuentebella, kalabanan sa mga pagbag-o ang pagtadlong lamang sa mga detalye sang mga proyekto kag indi pagbalhin sang pondo halin sa isa ka ahensya pakadto sa iban.
Ginpahayag man ni Bataan Rep. Albert Garcia nga kalabanan sa mga pagbag-o naghalin mismo sa mga ahensya sang gobyerno para malakip ang mga proyekto nga wala nasakop sa una nga panukala sang badyet.
Gani, ginpangabay sang mga mamalidha ang publiko nga usisaon anay ang tagsa ka pagbag-o antes maghimo sang paghukom parte sa sini.
Sa karon, yara na sa Senado ang ginaduso nga ₱7.2 trilyon nga 2027 national budget para sa pagrepaso antes ang pagtililipon sang bicameral conference committee.
