Ginmandoan ni Interior Secretary Jonvic Remulla ang Bureau of Jail Management and Penology (BJMP) nga maghatag sang paathag tuhoy sa presensya sang assistant ni anay House Speaker Martin Romualdez sa New Quezon City Jail sa Payatas.
Suno kay Remulla, dapat ipahayag sang BJMP ang basehan kag rason kon ngaa gintugutan nga may assistant si Romualdez sa sulod sang pasilidad.
Ginpahayag man sang kalihim nga wala dapat sing bisan sin-o nga detainee nga makabaton sang espesyal nga pagtratar sa sulod sang prisohan.
Gusto man mahibaluan ni Remulla kon sin-o ang nag-aprubar sang amo nga kahigayunan para kay Romualdez.
Ginapaabot sang opisyal nga mahatag ni BJMP chief Efren Nemeno sa natalana nga deadline ang tanan nga dokumento kag rekord nga may kaangtanan sa amo nga isyu.
