Anum ka tawo ang napatay samtang madamo pa ang pilason matapos ang pagpangluthang sa Main Market Square sang Krakow City sa Poland.
Suno sa mga report, isa ka Polish citizen ang ginatudlo nga suspek sa insidente.
Nagmaneho ini sang iya salakyan pakadto sa nasambit nga lugar antes nagpanughot sang armas kag nagluthang sa mga tawo nga didto.
Ginpahayag man nga ang suspek nagasuksok sang uniporme nga kaangay sang ginagamit sang mga suldado sang tion sang pagpaniro.
Gilayon nga nagresponde ang mga otoridad kag nadakpan ang suspek.
Narekober man sa iya salakyan ang isa ka armas nga military-type kag pila pa ka armas.
Lakip sa mga napilasan ang duha ka pulis nga nagresponde sa insidente.
Padayon pa nga ginaiimbestigaran sang mga awtoridad ang hitabo agud mahibaluan ang motibo sa madugo nga pagpangluthang.
Wala pa man ginapaguwa sa publiko ang identidad sang suspek.
