21 sa 24 ka testigo sang depensa ni VP Sara, naserbehan na sang subpoena

Naserbehan na sang subpoena ang 21 sa 24 ka testigo nga ginatuyo ipresentar sang kampo ni Bise Presidente Sara Duterte sa impeachment trial, antes ang pagpadayon sang mga hearing halin Nobyembre 9 tubtob 13.

Suno kay Senate Secretary kag Impeachment Clerk of Court Renato Bantug Jr., igaserbe naman sa Lunes, Nobyembre 9, ang nabilin nga tatlo ka subpoena.

Ginalauman nga sa amo nga adlaw sugdan sang depensa ang pagpresentar sang ila mga testigo, nga paga-usisaon sang depensa, prosekusyon kag mga senador nga nagaserbe bilang mga hukom.

Madumduman nga 24 ka testigo na lamang ang yara sa listahan sang depensa matapos mag-atras si Dean Ralph Sarmiento bilang isa sa ila nga ginatuyo ipatawag.