Nagapanawagan ang mga biktima sang kampanya kontra droga sa administrasyon ni President Ferdinand Marcos Jr. nga ipatuman gilayon ang arrest warrant sang International Criminal Court (ICC) batok kay Senador Ronald “Bato” Dela Rosa.
Suno kay Atty. Gilbert Andres, ICC Common Legal Representative for Victims, indi lamang pagkadakop kundi ang pagdala man kay Dela Rosa sa ICC sa The Hague, Netherlands, ang ila ginapangabay sa gobyerno.
Ginpahayag niya nga mahimo lamang matawag nga epektibo ang tikang sang administrasyon kon madakpan kag ma-turn over na sa ICC ang senador.
Sa karon, padayon nga ginapangita sang mga awtoridad si Dela Rosa matapos magpagwa sang arrest warrant ang ICC.
Nahibaluan nga nagpatuman ang Department of the Interior and Local Government sang P50 milyones nga reward para sa sinumang makahatag sang impormasyon nga magatuytoy sa lokasyon sang senador.
Si Dela Rosa ginatudlo nga isa sa mga co-perpetrator ni anay Presidente Rodrigo Duterte sa kaso nga crimes against humanity nga may kaangtanan sa kampanya kontra droga.
