Muling nagpakita sa publiko si Pope Leo XIV sa St. Peter’s Square sa Vatican City sang Domingo, Oktubre 18, matapos ang madinalag-on nga operasyon sa iya baga sang Martes.
Ini ang una nga dako nga pag-atubang sang Santo Papa sa publiko halin sang ginpaguwa siya sa Gemelli Hospital sa Rome sang Sabado, matapos ang apat ka adlaw nga pagpabilin sa ospital.
Sa iya pagpakita sa publiko, nagpasalamat si Pope Leo XIV sa tanan nga nagpangamuyo para sa iya kaayuhan samtang nagapaayo siya.
Ginpahayag man niya ang iya handum nga makapadayon sa pagtuman sang mga responsibilidad kag buluhaton bilang Santo Papa.
Samtang, gin-athag sang doktor ni Pope Leo XIV nga kaya na sang Santo Papa ang magbiyahe para sa iya natalana nga pagbisita sa Uruguay, Argentina kag Peru halin Nobyembre 6 tubtob 17.
Ini matapos makumpirmar nga maayo ang iya kahimtangan kasunod sang operasyon.
Ang amo nga pagbiyahe kabahin sang iya papal voyage sa tatlo ka pungsod sa South America, kun sa diin nagserbisyo siya bilang misyonero sa sulod sang duha ka dekada.
Ginapaabot nga mangin kabahin ini sang pagpadayon sang iya mga buluhaton sa Simbahang Katolika kag pagpakig-angot sa mga komunidad nga iya pagabisitahon.
