Nagsaka na sa 459,356 ka indibidwal ang apektado sang tag-ilinit bangud sa Very Strong El Niño, suno sa datos sang National Disaster Risk Reduction and Management Council (NDRRMC).
Equivalent ini sang 123,635 ka pamilya, kag ginapaabot nga magapadayon ang dry season tubtob sa una nga bahin sang tuig 2027.
Ginkilala ang Cagayan Valley bilang rehiyon nga pinakatuman ang epekto sang tag ilinit bangud sa malapad nga mga umahan nga apektado sang dry season.
Ginasundan ini sang Region IV-A (Calabarzon), Region IV-B (Mimaropa), Region V (Bicol), Region VIII (Eastern Visayas), kag Region XIII (Caraga).
Nakapagkit man ang Cagayan Valley sang pinakadamo nga mga indibidwal nga apektado sang El Niño.
Nagapadayon ang NDRRMC sa regular nga pagmonitor sang mga real-time nga report halin sa tagsa ka field office sang Office of Civil Defense (OCD) agud matumod ang nagakaigo nga mga tikang sang gobyerno sa pag-atubang sa malapad nga epekto sang amo nga weather phenomenon.
