Ginpahibalo sang South Korean actress nga si Kim Yong Ji nga kasado na siya paagi sa online post nga nagalakip sang mga laragway halin sa iya kasal.
Sa mga laragway, makita ang aktres nga nagasul-ob sang puti nga wedding gown kag naga-uyat sang pula nga bouquet.
Ginpaambit man niya ang mga laragway upod ang iya bana kag ila mga pet dogs.
Suno sa pila ka Korean media outlets, ginpatigayon ang simple nga outdoor wedding ceremony sang Oktubre 11.
Nagtambong man sa kasal ang pila niya ka co-stars sa drama nga Tale of the Nine Tailed, lakip sanday Lee Dong Wook, Kim Bum, Ryu Kyung Soo kag Hwang Hee.
Nag-upod man sa selebrasyon ang aktres nga si Kim Go Eun kag aktor nga si Bae Jung Nam.
Madumduman nga nauna nga nakilala si Kim Yong Ji bilang freelance model sang 2015 antes nakilala paagi sa Korean drama nga Mr. Sunshine sang 2018.
Mas nangin kilala pa siya sa iya papel bilang Ki Yu Ri sa Tale of the Nine Tailed kag sa sequel sini nga Tale of the Nine Tailed 1938.
Pinakabag-o naman nga nagpakita ang aktres sa The Art of Sarah sang 2026.
