Ginkalipay ni Jojo Jonaldo, isa ka residente sang Syudad sang Koronadal, ang public appearance ni anay Presidente Rodrigo Roa Duterte sa ginpatigayon nga status conference sang International Criminal Court ukon ICC kahapon sa The Hague, Netherlands.
Sa interview sang Bombo Radyo Koronadal kay Jonaldo, iya ginpahayag nga nalipay siya nga makita liwat ang anay Presidente kag ginakabig niya nga mabaskog ini bisan pa nga masobra isa ka tuig na nga wala nakita sa publiko.
Ginpabutyag man ni Jonaldo ang iya kalipay nga nagapadayon ang proseso sang kaso ni Duterte sa ICC, kag nagalaum siya nga mangin maayo ang resulta sini para sa anay Pangulo.
Samtang, ginpaathag man ni Jonaldo ang iya panan-aw sa nagapadayon nga impeachment trial batok kay Vice President Sara Duterte.
Suno sa iya, anuman ang mangin desisyon sa kaso, kinahanglan ini nga ipatuman suno sa husto nga proseso kag base sa Konstitusyon.
Dugang pa niya, dapat mangin patas ang pagpasaka kag pagpatuman sang mga kaso batok sa mga opisyal sang gobyerno kag indi lamang magpokus sa isa ka opisyal.
