Naghimo sang maragtas ang Filipina beauty queen nga si Margarette Briton matapos makoronahan bilang pinakauna nga Miss Interglobal 2026 sa coronation night nga ginpatigayon sa Bali, Indonesia.
Ginrepresentar ni Briton ang Pilipinas kag nangibabaw sa kompetisyon, nga naghatag sa iya sang kahigayunan nga mangin first-ever titleholder sang Miss Interglobal.
Samtang, si Nabila Fenelia sang Indonesia ang nagkuha sang titulo bilang first runner-up sa kompetisyon.
Indi lamang korona ang naangkon ni Briton bangod nagdaog man sia sa madamo nga special awards. Lakip diri ang Star Connect Award, Social Impact Award, National Costume Excellence Award kag Dinner Dress Award.
Ang iya pagkadaog nagdugang sa nagapadayon nga pagpakita sang talento kag abilidad sang mga Filipina sa international beauty pageant stage.
