Padayon ang monitoring sang Philippine Consulate sa kahimtangan sang mga Pilipino sa Nepal samtang nagapadayon ang search and rescue operations matapos ang mabaskog nga flash flood nga nagresulta sa pagkapatay sang indi magnubo sa 900 ka tawo.
Sa interview sang Bombo Radyo Koronadal, ginpahayag ni Judy N. Pangani, Bombo International News Correspondent to Nepal, iya ginpahayag nga yara sa maayo nga kahimtangan ang madamo nga mga Pilipino kag ang iban yara sa evacuation centers kag shelters.
Samtang, nagpabutyag man sang kasubo si Pangani sa dugang nga 270 ka indibidwal nga nasapwan-patay sang mga rescuers matapos ang wala untat nga pagpangita sang mga posible nga survivors.
Padayon man ang pagpangita sa mga missing, lakip ang isa ka Pilipino nga doktor nga ginreport nga nadula.
Samtang nagpatuman naman ang Nepal sang state of emergency, travel restrictions kag road closures bangud sa posibilidad sang dugang nga pagbaha.
Padayon man ang relief operations para sa mga survivor kag apektado nga komunidad samtang ginapangita pa ang mga nadula.
