Nagapangita pa sang dugang nga ebidensya ang Office of the Ombudsman batok kay anay Executive Secretary Lucas Bersamin kag iban pa nga ginaphayag nga imbolbado sa gin-alegar iregularidad sa 2025 National Budget.
Suno kay Assistant Ombudsman Mico Clavano, lakip sa ginatutukan nga kaso sanday anay Presidential Legislative Liaison Office Usec. Adrian Bersamin kag anay Education Usec. Trygve Olaivar.
Ginpahayag ni Clavano nga ang kaso may kaangtanan sa gin-alegar nga “grand conspiracy” agud dayaon ukon kuhaan sang pondo ang national budget sang 2025.
Yara pa ini sa fact-finding stage, diin ginabusisi sang Ombudsman ang mga dokumento kag ebidensya nga nabaton sini.
Nagsugod ini sa mga alegasyon ni anay DPWH Usec. Roberto Bernardo, nga nagdawit sa mga nasambit nga anay opisyal sa gin-alegar nga iregularidad sa national funds.
Suno kay Clavano, kinahanglan pa sang ahensya sang dugang nga impormasyon kag ebidensya antes magpadayon sa masunod nga tikang sa kaso.
