Patay ang 27 ka inidibdwal kag halos 400 ang gin-evacuate matapos maigo sang Russian drone strike ang isa ka bodega malapit sa Kyiv, Ukraine, nga nagsunog kag nagresulta sa asod-asod nga mga paglunsyar.
Suno kay regional governor Tymur Tkachenko, 42 ka tawo, lakip ang apat ka kabataan, ang napilasan sa pag-atake sa Bucha district.
Padayon ang search and rescue operations samtang ginaiimbestigahan kon may ammunition nga ginatipigan sa lugar.
Sa separado nga pag-atake sa Boryspil district, isa ka 14-anyos ang napatay.
Si Ukrainian President Volodymyr Zelensky nagsiling nga nagpadayon man ang mga pag-atake sa pila ka rehiyon sang Ukraine.
Suno sa Ukrainian army, 233 ka Russian drones ang ila napatumba sa overnight attacks.
Samtang, sa Russia, duha ang napatay kag 21 ang naangol sa mga pag-atake sa Belgorod kag Rostov regions.
Padayon nga nagabaskog ang pagbinayloay sang mga pag-atake sang Russia kag Ukraine samtang nagapadayon ang ila giyera.
