Ginisa sang mga senator-judge ang hostile witness nga si OVP Special Disbursing Officer Gina Acosta sa ika-17 nga adlaw sang impeachment trial batok kay Vice President Sara Duterte.
Gin-usisa ni Senator-Judge Francis “Kiko” Pangilinan ang pag-release sang confidential funds kay Col. Raymund Lachica kag ang responsibilidad ni Acosta bilang accountable officer.
Ginpunto man nga kulang ang iya dokumento kag wala siya personal nga nakakita sa paghatag sang kwarta sa mga recipient.
Gin-uyatan ni Senator-Judge Erwin Tulfo ang mga kadudahan nga pangalan kasubong sang “Piattos,” “Chipi Macdonald,” kag “Belat” sa liquidation reports. Samtang, ginpakamalaot ni Senator-Judge Raffy Tulfo ang pagsunod ni Acosta kay Lachica nga iya gintawag nga “blind loyalty.”
Gin-usisa man ni Senator-Judge Joel Villanueva ang sistema ni Acosta bisan may mga obserbasyon kag disallowance halin sa Commission on Audit.
Sa ulihi, gin-ako ni Acosta nga mahimo siya ang manabat kun mapamatud-an ang iregularidad sa paggamit sang pondo, apang nagpabilin ang iya pagsalig kay Vice President Duterte.
