Padulong na sa New York ang Filipina tennis sensation nga si Alexandra “Alex” Eala para sa iya ikaduha nga pagpartisipar sa main draw sang prestihiyoso nga US Open.
Ang 21-anyos nga atleta yara subong sa ika-20 nga pwesto sa world rankings, gani yara siya sa maayo nga posisyon agud mangin seeded player sa women’s singles division sang amo nga Grand Slam tournament.
Madumduman nga naghimo sang maragtas si Eala sa amo man nga torneo sang nagligad nga tuig matapos mangin una nga Pilipino nga nakadaog sang isa ka hampang sa Grand Slam main draw.
Ginlutos niya si Clara Tauson sa opening round.
Dugang pa, may espesyal man nga maragats si Eala sa New York.
Sang 2022, nangin kampeon siya sa girls’ singles event sang US Open matapos lutuson si Lucie Havlickova sa finals.
Magapartisipar si Eala sa kompetisyon nga may maayo nga momentum halin sa iya North American swing.
Lakip diri ang iya una nga WTA title sa Mubadala DC Open kag ang iya maayo nga kampanya sa Canada kag Cincinnati.
Magaatubang man ang Pinay tennis star sa mixed doubles, kun sa diin mangin partner niya ang world No. 4 nga si Felix Auger-Aliassime.
