Nagpabilin nga hipos si actress Bela Padilla bahin sa iya relasyon bilang mag-abyan nanday Kim Chiu kag Angelica Panganiban.
Sa media interview para sa iya pelikula, ginpamangkot si Padilla kun mag-abyan pa nanday ni Chiu kag Panganiban, simple lang ang iya sabat: “I won’t talk about it muna. Thank you.”
Nagtuhaw ang espekulasyon sang wala ma-upod si Padilla sa isa ka post ni Panganiban sang Hulyo, samtang yara si Chiu sa mga laragway.
Bangud sini, nagtuhaw ang mga huring-huring sa tunga sang pila ka fans nga posible may problema sa ila nga tatlo nga kilala man bilang “AngBeKi.”
Sa amo man nga interview, ginpahayag ni Bela nga may mga alegasyon nahanungod sa isa niya ka nagligad nga proyekto nga mahimo niya mapamatud-an nga indi matuod.
Suno sa iya, may yara siya sang mga “receipts” nga nagapakita sang iya panindugan, lakip na sa alegasyon nga pirmi siya nagaabot nga late sa set.
Sa karon, wala pa sing bisan sin-o kanday Panganiban, Padilla, kag Chiu ang nagkumpirma nga may indi intindihanay.
