Ginpahayag sang aktres nga si Bela Padilla nga wala siya sang kahilabtanan sa pag-cast sang iya tiyo nga si Senador Robin Padilla sa serye nga ginbidahan niya kasunod sang mga diskusyon online may kaangtanan sa serye kag sa nagluntad nga mga hitabo sa Senado.
Gindugang sang aktres nga Padilla nga lagyuanay na sila sang iya tiyo sa paglabay sang mga tinion bangud sang magkalain nga karera, limitado nga personal nga interaksyon kag paglain sang ila politikal nga panindugan kag ideolohiya.
Ginpaklaro man sang aktres nga ang pag-upod kay Sen. Padilla sa serye amo lamang ang desisyon sang executive kag supervising producers sang programa.
Ginpahayag pa ni Bela Padilla nga ang politikal nga kaangot sang iya tiyo indi nagarepresentar sang iya kaugalingon nga mga panindugan kag pagtuo.
Samtang, mapasalamaton gihapon si Padilla sa kaayo nga ginpakita sang senador sa ila pamilya, apang ginapabilin niya ang iya independensya sa iya karera kag personal nga mga panan-aw.
